Malo ho'o mou lelei, pea tau fakamalo ki he 'Eiki 'i he me'a kotoa pe.

Ko homa hingoa ko Ma'ake Fonomanu Lolohea mo Vea 'Unaloto Vaka'uta-Lolohea. Ko e kolo tupu'anga ko Ma'ufanga mo Kolomotu'a pea 'oku ma nofo 'i Melipoane, Victoria, Australia.

Fonomanu - na'e hu ki he St John High School he ta'u 1972 ki he 1977

'Unaloto - na'e hu ki he St Mary's High School he ta'u 1973 ki he 1980

'Oku ma kau ki he Kolisi Tutuku 'a e to'uako 72 & 73 pehe ki he Kolisi Tutuku St Mary's Aotearoa pea mo e Kolisi Tutuku 'Apifo'ou 'i Melipoane.

'Oku ma tui ko e ui kimaua ke ma hoko ko e coordinators 'a e 'Apifo'ou College Volunteer Tutors & Mentors Project 'a ia na'e fokotu'u he ta'u 2021 ke tokoni'i 'a e fanau ako mo e kau faiako online pe femataaki.

Ko e kau tiuta pe mentor ngaue'ofa ko e kau Kolisi Tutuku 'Apifo'ou College, St John High School mo e St Mary's High School, pea mo honau ngaahi famili, maheni mo e kupu fekau'aki.

'Oku 'oatu 'a e talamonu ki ho'omou feinga ako pea mo tau kole 'a e hufaki 'a Malia ki hono 'Alo ko Sesu, ke tau ma'u e 'ofa, angavaivai, fakatokilalo mo e kataki 'o hange koia 'i he'etau fononga.

'Ofa lahi atu mo e hufaki

Fonomanu & 'Unaloto